Asiantaeth y Swyddfa Brisio - Cynllun Iaith Gymraeg 2006 - Cynllunio a chyflenwi gwasanaeth

Polisïau, deddfwriaeth a mentrau

Bydd ein polisïau, ein mentrau a’n gwasanaethau’n unol â’r cynllun hwn. Byddant yn cefnogi’r defnydd o’r Gymraeg ac yn helpu’r cyhoedd yng Nghymru i ddefnyddio’r Gymraeg fel rhan o’u bywyd bob dydd.

Pan ydym yn cyfrannu at ddatblygu neu gyflenwi polisïau, mentrau, gwasanaethau neu ddeddfwriaeth newydd arweinir gan sefydliadau eraill, fe wnawn hynny mewn modd sy’n gyson â’r cynllun hwn.

Cyflenwi gwasanaethau

Ein dull arferol fydd sicrhau bod ein gwasanaethau ar gael i’r cyhoedd yn y Gymraeg.

Fe rown wybod i’r cyhoedd pan fydd gwasanaethau ar gael yn y Gymraeg.

Ein swyddogaethau rheoleiddiol – a gwasanaethau gymerir ar ein rhan gan drydydd parti

Bydd unrhyw gytundebau neu drefniadau wnawn ni gyda thrydydd parti yn gyson â rhannau perthnasol y cynllun hwn, pan fydd y cytundebau neu’r trefniadau hynny yn ymwneud â darparu gwasanaethau i’r cyhoedd yng Nghymru.

Bydd hyn yn cynnwys gwasanaethau gaiff eu contractio allan, rhoi trwyddedau a rhoi caniatadau eraill.

Safonau ansawdd

Bydd gwasanaethau a ddarperir yn y Gymraeg a’r Saesneg o’r un ansawdd ac fe’u darperir o fewn yr un raddfa amser.